import useTranslation from "next-translate/useTranslation"; import { useRouter } from "next/router"; export default function PrivacyCY() { let { t } = useTranslation(); const router = useRouter(); const { locale } = router; return (

Datganiad Preifatrwydd

Diben yr hysbysiad preifatrwydd hwn

Rydym wedi ymrwymo i sicrhau bod data personol ein cwsmeriaid yn cael ei drin yn unol â’r egwyddorion a amlinellir mewn deddfau diogelu data.

Mae’r hysbysiad preifatrwydd hwn yn adlewyrchu gofynion Rheoliad Cyffredinol ar Ddiogelu Data (GDPR) y Deyrnas Unedig a Deddf Diogelu Data 2018, ac yn ymwneud â phob math o waith achos sy’n cael ei drin gan Benderfyniadau Cynllunio ac Amgylchedd Cymru.

Mae’n rhoi gwybod i chi ynghylch:

Manylion penodol yr arferion trin data personol ym Mhenderfyniadau Cynllunio ac Amgylchedd Cymru (PCAC) a’r hyn y gallwch ddisgwyl i PCAC ei wneud â’r wybodaeth y mae’n ei chasglu.
Pa wybodaeth bersonol rydym ni’n ei chasglu, sut rydym ni’n ei chasglu, ei defnyddio, ei storio, ei rhannu a’i gwaredu.
Gwybodaeth bersonol a ddarperir yn rhan o holl waith achos PCAC y gallwch ei gwneud, neu wneud sylwadau arni, neu a ddarperir gan Adrannau a Sefydliadau eraill y Llywodraeth gan ddefnyddio unrhyw un o wefannau Penderfyniadau Cynllunio ac Amgylchedd Cymru neu ddulliau eraill.
Sut rydym yn prosesu unrhyw wybodaeth bersonol, gan gynnwys data categori arbennig rydych wedi’i roi i ni’n wirfoddol sy’n ymwneud yn uniongyrchol â chi neu wybodaeth unrhyw unigolyn trydydd parti arall y gallech fod wedi’i rhoi mewn perthynas â gwaith achos PCAC.
Mae Penderfyniadau Cynllunio ac Amgylchedd Cymru yn ymdrin ag ystod o wahanol fathau o waith achos a gyflwynir trwy Borth PCAC ac amrywiaeth o ddulliau eraill e.e. post, trosglwyddiad digidol ac e-bost.

Mae Porth PCAC yn ymdrin ag ystod o waith achos (fel y cofnodir yn Atodiad A).

Mae hefyd yn rhoi gwybodaeth am sut rydym yn prosesu gwybodaeth bersonol wrth ymdrin â chwynion.

Gallai’r Hysbysiad Preifatrwydd hwn gael ei ddiweddaru a/neu ei ailgyhoeddi unrhyw bryd, a byddwn yn rhoi gwybod i chi am unrhyw ddiweddariadau o’r fath trwy wefan GOV.UK a gwefan PCAC.

Yn unol â’n disgresiwn, fe allem roi gwybod i chi trwy ddarparu hysbysiad ‘mewn union bryd’ i ymdrin ag unrhyw weithgareddau prosesu ychwanegol na chrybwyllir yn y ddogfen hon.

Diffiniad o Ddata Personol

Mae GDPR y Deyrnas Unedig a Deddf Diogelu Data 2018 yn berthnasol i brosesu data personol sy’n ymwneud ag unigolyn (testun data) adnabyddedig neu adnabyddadwy y mae’r data personol yn ymwneud ag ef:

Pan ellir adnabod testun y data yn uniongyrchol neu’n anuniongyrchol o’r wybodaeth honno ar y cyd â gwybodaeth arall.
Yn gyfan gwbl neu’n rhannol trwy ddulliau awtomataidd, prosesu heblaw trwy ddulliau awtomataidd ddata personol sy’n ffurfio rhan o system ffeilio, neu y bwriedir iddo ffurfio rhan o system ffeilio.
Mae data personol dim ond yn cynnwys gwybodaeth sy’n ymwneud â bod dynol y gellir ei adnabod neu sy’n adnabyddadwy, yn uniongyrchol o’r wybodaeth dan sylw.
Gallai gwybodaeth am unigolion sy’n gweithredu fel unig fasnachwyr, cyflogeion, partneriaid a chyfarwyddwyr cwmni lle y gellir eu hadnabod yn unigol, ac mae’r wybodaeth yn ymwneud â nhw fel unigolyn, fod yn gyfystyr â data personol.

Nid yw’n cynnwys:

Achosion lle mae hunaniaeth cyfranogwyr wedi cael ei dileu (data dienw).
Gwybodaeth am unigolyn sydd wedi marw.
Cwmnïau neu Awdurdodau Cyhoeddus

Mae “categorïau arbennig” o ddata personol (a adwaenwyd fel “data personol sensitif” o dan y gyfraith diogelu data flaenorol). Mae’r rhain yn fwy sensitif eu natur ac mae’n rhaid eu trin mewn ffordd benodol o dan y ddeddfwriaeth.

Ymrwymiad polisi i fod yn agored ac yn dryloyw

Un o werthoedd sylfaenol Penderfyniadau Cynllunio ac Amgylchedd Cymru yw eu hymrwymiad i fod yn agored ac yn dryloyw mewn perthynas â’n rôl statudol wrth brosesu a phenderfynu ar waith achos cynllunio a’r holl waith achos arall cysylltiedig.

Mewn llawer o achosion, yn enwedig prosesau cynllunio, ceir rhwymedigaethau sy’n mynnu ein bod yn rhannu’r wybodaeth a gawn ac, mewn rhai achosion, ein bod yn sicrhau bod y wybodaeth honno ar gael i’r cyhoedd. Rydym yn rhagdybio’n gyffredinol o blaid datgelu, ond bydd penderfyniadau unigol yn ystyried ein rhwymedigaethau statudol, gan gynnwys o dan ddeddfwriaeth diogelu data.

Rheolwyr Data

Llywodraeth Cymru (LlC) yw’r Rheolwr Data at ddibenion diogelu data (mae Penderfyniadau Cynllunio ac Amgylchedd Cymru yn un o is-adrannau LlC). Cyfeiriad LlC yw: Llywodraeth Cymru, Parc Cathays, Caerdydd, CF10 3NQ.

Mae Penderfyniadau Cynllunio ac Amgylchedd Cymru yn gyfrifol am benderfynu sut rydym yn casglu, storio a phrosesu eich gwybodaeth bersonol. Mae’r Hysbysiad Preifatrwydd hwn yn esbonio’n syml sut rydym yn casglu, defnyddio a rhannu eich data.

Mae Penderfyniadau Cynllunio ac Amgylchedd Cymru wedi penodi Uwch Reolwr Diogelu Data i sicrhau ein bod yn cydymffurfio â deddfwriaeth diogelu data. Os oes gennych unrhyw gwestiynau am yr Hysbysiad Preifatrwydd hwn neu sut rydym yn trin eich gwybodaeth bersonol, neu’n credu nad ydym wedi cydymffurfio â’ch hawliau fel testun data, cysylltwch â’r Uwch Reolwr Diogelu Data:

Trwy anfon neges e-bost at *** neu:

Yn ysgrifenedig at yr Uwch Reolwr Diogelu Data/Senior Data Protection Manager (SDPM) yn: Temple Quay House, 2 The Square, Temple Quay, Bryste BS1 6PN

Mae cydymffurfiaeth Penderfyniadau Cynllunio ac Amgylchedd Cymru â diogelu data yn cael ei goruchwylio’n ffurfiol gan Swyddog Diogelu Data LlC. Cewch gysylltu â Swyddog Diogelu Data LlC:

Trwy anfon neges e-bost at dataprotection@communities.gov.uk, neu;
Yn ysgrifenedig at y “Swyddog Diogelu Data” yn: Llywodraeth Cymru, Parc Cathays, Caerdydd, CF10 3NQ

Sut i gwyno am brosesu’ch gwybodaeth bersonol

Pan fyddwn yn prosesu’ch gwybodaeth bersonol, byddwn yn cydymffurfio â’r Ddeddfwriaeth/Rheoliadau Diogelu Data.

Os credwch nad ydym wedi cydymffurfio â’ch hawliau fel testun data, neu ein rhwymedigaethau, ac rydych yn anfodlon â’r ffordd y mae Penderfyniadau Cynllunio ac Amgylchedd Cymru yn prosesu’ch gwybodaeth bersonol, neu os oes gennych unrhyw gwestiynau am yr Hysbysiad Preifatrwydd hwn neu sut rydym yn trin eich gwybodaeth bersonol, cysylltwch â ni ar ***.

Hefyd, i gael cyngor annibynnol ar faterion diogelu data, cewch uwchgyfeirio unrhyw gŵyn unrhyw bryd at Swyddfa’r Comisiynydd Gwybodaeth (awdurdod goruchwyliol y Deyrnas Unedig ar gyfer materion Diogelu Data). Gweler isod y cyfeiriad post, y rhif ffôn a dolen i’r wefan:

Swyddfa’r Comisiynydd Gwybodaeth
1 Wycliffe House
Water Lane, Wilmslow Swydd Gaer
SK9 5AF

Rhif llinell ffôn gymorth: 0303 123 1113
https://ico.org.uk

1. Pwy ydym ni?

Mae Penderfyniadau Cynllunio ac Amgylchedd Cymru yn un o is-adrannau Llywodraeth Cymru.

O dan ddeddfwriaeth diogelu data, mae Penderfyniadau Cynllunio ac Amgylchedd Cymru yn gyfrifol am benderfynu sut rydym yn casglu, storio a phrosesu’ch gwybodaeth bersonol.
Mae Penderfyniadau Cynllunio ac Amgylchedd Cymru yn ymdrin â phob agwedd ar apeliadau cynllunio, archwiliadau o gynlluniau lleol ac unrhyw waith achos arall sy’n gysylltiedig â chynllunio a gwaith achos arbenigol.
Cynhelir y rhain gan Benderfyniadau Cynllunio ac Amgylchedd Cymru neu ar ran Gweinidog perthnasol Cymru.
Ar gyfer Atodlenni Ardoll Seilwaith Cymunedol (CILs), penodir ein Harolygwyr gan yr Awdurdod Codi Tâl i archwilio ei Atodlen Codi Tâl.

2. Sut rydym yn casglu gwybodaeth bersonol?

Byddwch wedi rhoi gwybodaeth i ni’n uniongyrchol os byddwch yn gwneud neu’n cymryd rhan mewn apêl gynllunio, cais neu archwiliad yn rhan o’n prosesau cynllunio.
Fe allech hefyd roi gwybodaeth categori arbennig i ni’n anuniongyrchol os ydych yn rhoi gwybodaeth am eich amgylchiadau personol (a allai hefyd gynnwys gwybodaeth categori personol ac arbennig am destunau data eraill) yr ydych eisiau iddi gael ei hystyried yn y prosesau cynllunio.
Trwy ein gwefannau e.e. data cysylltu a anfonir gan eich porwr at ein gweinydd gwe pan fyddwch yn cysylltu â’n gwefan.

3. Pam rydym ni’n prosesu’ch gwybodaeth bersonol?

Mae’r wybodaeth a roddir i ni yn cael ei defnyddio i benderfynu ar apeliadau, gorchmynion, ceisiadau ac archwiliadau.

Mae telerau ac amodau Porth PCAC yn darparu gwybodaeth ar wahân am sut rydym yn defnyddio gwybodaeth bersonol y gallem ei chasglu, pryd a’r mathau o ddata personol y gallem eu casglu wrth gyflawni ein dyletswyddau o dan Ddeddfwriaeth Cynllunio Gwlad a Thref 1990 a deddfwriaeth arall sy’n ymwneud â gwaith achos arall.

Porth PCAC

Mae’r wybodaeth a roddir i ni trwy Borth PCAC yn cael ei defnyddio i brosesu achosion Apeliadau Cynllunio a Gorfodi.

Bydd Penderfyniadau Cynllunio ac Amgylchedd Cymru yn rhoi arweiniad ar wneud a chymryd rhan mewn mathau o waith achos a chyfeiriadau at y rheolau gweithdrefnol statudol sy’n berthnasol.
Yn unol â’r rheolau statudol, mae copi o gynrychiolaethau gwaith achos fel arfer yn cael ei roi i’r apelydd/ymgeisydd, yr awdurdod lleol (ALl) a phartïon statudol eraill i’r achos.
Mae hefyd yn ofynnol i’r ALl sicrhau bod sylwadau ar y gwaith achos ar gael i unrhyw un sy’n dymuno eu gweld.
Gan eu bod yn rhoi cyd-destun i’ch sylwadau ac yn caniatáu i’r achos gael ei gynnal yn effeithiol e.e. yn caniatáu i bartïon â safbwyntiau tebyg adnabod ei gilydd a chytuno i gyflwyno safbwyntiau ar y cyd mewn unrhyw wrandawiad neu ymchwiliad), mae’r sylwadau a gawn fel arfer yn cael eu cyfnewid rhwng y partïon heb olygu cynnwys na gwybodaeth gyswllt, ar yr amod bod Penderfyniadau Cynllunio ac Amgylchedd Cymru o’r farn bod hynny’n angenrheidiol ac yn gymesur.
Gall y wybodaeth a roddir yn wirfoddol gynnwys gwybodaeth bersonol am unigolion eraill yn uniongyrchol neu’n anuniongyrchol, ac fe allai gynnwys gwybodaeth categori arbennig e.e. gwybodaeth feddygol am bartïon eraill (gweler y paragraff ynghylch Data Categori Arbennig i gael rhagor o wybodaeth). Bydd Penderfyniadau Cynllunio ac Amgylchedd Cymru yn prosesu data o’r fath dim ond pan ellir ei gyfiawnhau a phan fydd ganddi sail gyfreithiol briodol i wneud hynny.
Sylwer na fyddwn yn derbyn sylwadau dienw na chyfrinachol, ond cewch wneud sylwadau ar achos a gofyn i’ch hunaniaeth beidio â chael ei datgelu.
Os byddwch yn gofyn am hyn, bydd eich sylwadau’n cael eu copïo i’r partïon a’u rhoi i’r Arolygydd heb eich enw a’ch manylion cyswllt, ac mae’n bosibl y bydd yr Arolygydd yn rhoi llai o bwys i’ch sylwadau o ganlyniad.
Os na fyddwch eisiau cael eich adnabod o’ch sylwadau, dylech osgoi cynnwys gwybodaeth a allai ddatgelu pwy ydych.

Bydd yr Arolygydd a benodwyd yn ystyried y wybodaeth a roddwyd yn y sylwadau ac yn gwneud ei benderfyniad. Bydd ei hysbysiad o benderfyniad yn rhoi’r canlyniad ar gyfer yr achos a’i resymau drosto.

Y wybodaeth rydym yn ei chyhoeddi ar Borth PCAC

Rydym yn cyhoeddi crynodeb o fanylion achosion rydym yn eu prosesu ar Borth PCAC.

Enw’r apelydd/ymgeisydd a chyfeiriad y safle.
Rydym hefyd yn cyhoeddi’r penderfyniad terfynol.
Mae gennym bolisi golygu ac rydym yn dileu rhifau ffôn personol, cyfeiriadau e-bost a llofnodion, yn ogystal â gwybodaeth categori arbennig (fel gwybodaeth am iechyd unigolyn).
Os oes gennych bryderon am gyhoeddi eich gwybodaeth, dylech eu trafod gyda’r Swyddog Achos yn y lle cyntaf cyn cyflwyno’ch sylwadau.
Fodd bynnag, os oes gennych bryderon pellach ynglŷn â phrosesu neu drin eich data personol, cysylltwch â – I assume WG DPO offices?
Er efallai na fyddwn yn cyhoeddi pob dogfen neu bob achos, mae gennym rwymedigaeth statudol i anfon copi o sylwadau at y partïon perthnasol. Mae’n ofynnol i’r ALl sicrhau eu bod ar gael i unrhyw un a allai ddymuno eu gweld, felly fe allech ddymuno cysylltu â’r ALl hefyd i gadarnhau pa wybodaeth y mae’n ei chyhoeddi.

Prosiectau Datblygiadau o Arwyddocâd Cenedlaethol

O ran Datblygiad o Arwyddocâd Cenedlaethol (“DNS”) o dan Ddeddf Cynllunio (Cymru) 2015, sy’n diwygio Deddf Cynllunio Gwlad a Thref 1990 (“y Ddeddf”), mae Rheoliadau Datblygiadau o Arwyddocâd Cenedlaethol (Cymru) 2016 (fel y’u diwygiwyd) a Rheoliadau dilynol yn mynnu ein bod yn:

Sicrhau bod mathau penodol o ddogfennau a gwybodaeth ar gael yn fwy eang i gyfranogwyr eraill, a allai gynnwys gwybodaeth bersonol, gan gynnwys sicrhau bod y rhain ar gael i’r cyhoedd.
Rydym yn gwneud hyn trwy gyhoeddi dogfennau a gwybodaeth ar Borth PCAC.
Os oes gennych ymholiadau neu bryderon penodol ynglŷn â phrosesu eich data personol yn y modd hwn, cysylltwch â’r swyddog achos perthnasol yn y lle cyntaf i drafod yr arweiniad a’ch pryderon.

Y wybodaeth a gyhoeddwn ar-lein

Dogfennau cais
Sylwadau Perthnasol, Sylwadau Ysgrifenedig, a dogfennau eraill ar y wefan Datblygiadau o Arwyddocâd Cenedlaethol.
Bydd y cofnodion cyhoeddedig hyn yn cynnwys enw’r unigolyn sydd wedi cyflwyno’r ddogfen.
Yr Arolygydd neu’r Arolygwyr a benodwyd i archwilio cais.
Cyn cyhoeddi unrhyw o ddogfennau, rydym yn golygu (neu’n ‘tywyllu’) manylion personol penodol, e.e. rhifau ffôn; cyfeiriadau; cyfeiriadau e-bost; llofnodion a gwybodaeth bersonol sensitif (data categori arbennig).
Rydym hefyd yn golygu unrhyw gynnwys yr ystyriwn y gallai fod yn enllibus.
Ni fyddwn yn golygu unrhyw wybodaeth bersonol mewn dogfennau a gynhyrchwyd gan ymgeiswyr lle y byddai hyn yn atal archwilio cais yn effeithiol e.e. yn atal Penderfyniadau Cynllunio ac Amgylchedd Cymru rhag cyflawni ei thasg gyhoeddus. Er enghraifft, mae rhai dogfennau sy’n cael eu cyhoeddi yn cynnwys enwau a chyfeiriadau Partïon â Buddiant oherwydd byddai’r Datblygiad Arfaethedig yn effeithio ar dir neu hawliau’r Partïon â Buddiant hynny.
Rydym hefyd yn cyhoeddi Adroddiad Argymhelliad yr Awdurdod Archwilio a phenderfyniad Gweinidogion Cymru, y gallai’r ddau gynnwys gwybodaeth bersonol.

Fel arall, pan fydd ein hadrannau noddi’n gyfrifol am benderfynu ar achos, bydd yr Arolygydd yn llunio adroddiad. Yna, bydd adroddiad yr Arolygydd a’r sylwadau a roddwyd iddo’n cael eu hanfon at ein hadran noddi.

4. O dan ba Sail Gyfreithiol rydym yn prosesu’ch gwybodaeth bersonol?

Mae angen i ni brosesu’ch gwybodaeth bersonol er mwyn i ni allu hwyluso’r broses gynllunio o dan Ddeddf Cynllunio Gwlad a Thref 1990, Deddf Cynllunio a Phrynu Gorfodol 2004, Deddf Cynllunio 2008, Deddf Cynllunio (Cymru) 2015 ac amryw ddeddfwriaethau eraill e.e. Deddf Priffyrdd 1980, ar gyfer holl waith achos Penderfyniadau Cynllunio ac Amgylchedd Cymru.

Amlinellir y seiliau cyfreithlon ar gyfer prosesu yn Erthygl 6 GDPR y Deyrnas Unedig. Mae Penderfyniadau Cynllunio ac Amgylchedd Cymru yn defnyddio’r seiliau cyfreithlon a fanylir yn:

Erthygl 6(1)(a) Lle mae’r cwsmer wedi rhoi ei ganiatâd i brosesu ei ddata personol at ddiben penodedig.

Erthygl 6(1)(c) Ar gyfer prosesu sylwadau ysgrifenedig a dogfennau, y sail gyfreithlon sy’n ymwneud â phrosesu sy’n angenrheidiol i gydymffurfio â rhwymedigaeth gyfreithiol y mae Penderfyniadau Cynllunio ac Amgylchedd Cymru yn ddarostyngedig iddi.

Erthygl 6(1)(e) Ar gyfer prosesu sy’n ofynnol i gyflawni tasg a wneir er budd y cyhoedd neu wrth arfer awdurdod swyddogol a roddwyd i Benderfyniadau Cynllunio ac Amgylchedd Cymru.

Erthygl 9(2)(g) Ar gyfer prosesu Data Categori Arbennig, y sail gyfreithlon yw pan fydd prosesu categorïau arbennig o ddata personol yn angenrheidiol am resymau sydd o fudd sylweddol i’r cyhoedd. Mae hefyd yn ymwneud â’n tasg gyhoeddus a diogelu eich hawliau sylfaenol, ac Atodlen 1 rhan 2(6) DPA2018 sy’n ymwneud â dibenion statudol a llywodraeth.

5. Pa ddata personol rydym ni’n ei brosesu?

Rydym yn casglu a phrosesu amrywiaeth o wybodaeth amdanoch, gan gynnwys:

Unrhyw a phob math o wybodaeth bersonol a roddoch i ni’n wirfoddol yn rhan o un neu fwy o’r prosesau canlynol: apêl gynllunio a mathau cysylltiedig o apeliadau, Prosiectau Datblygiadau o Arwyddocâd Cenedlaethol (DNS) a gwaith achos arbenigol.
Gall y wybodaeth gynnwys gwybodaeth bersonol am unigolion eraill yn uniongyrchol neu’n anuniongyrchol, ac fe all gynnwys data categori arbennig e.e. gwybodaeth feddygol am bartïon eraill (gweler y paragraff isod ynghylch Data Categori Arbennig i gael rhagor o wybodaeth).
Eich enw
Cyfeiriad
Rhif ffôn (yn gyffredinol ac os yw’n gyfranogwr mewn digwyddiad rhithwir sy’n ymuno trwy ffôn symudol neu ffôn tirlinell)
Cyfeiriad e-bost
Cyfeiriad IP
Gohebiaeth ar ffurf electronig a chopi caled
Dogfennau cais
Cyflwyniadau ysgrifenedig a wnaed gan Bartïon â Buddiant ac eraill sy’n ymwneud â phroses yr apêl gynllunio
Nodiadau ysgrifenedig
Copïau caled o wybodaeth
Gwybodaeth a roddwyd gan adrannau a sefydliadau eraill y Llywodraeth

Data Categori Arbennig

Data categori arbennig a ddiffinnir yn Erthygl 9 GDPR y Deyrnas Unedig fel data personol yw:

Hiliol neu darddiad ethnig
Safbwyntiau gwleidyddol
Credoau crefyddol neu athronyddol
Aelodaeth o undeb llafur
Data genetig
Data biometrig at ddiben adnabod bod dynol yn unigryw
Data yn ymwneud ag iechyd neu
Ddata yn ymwneud â bywyd rhywiol neu gyfeiriadedd rhywiol bod dynol

Nid yw hyn yn cynnwys data personol am honiadau, achosion neu euogfarnau troseddol, gan fod rheolau ar wahân yn berthnasol. I gael rhagor o wybodaeth, gweler canllawiau ar wahân y Comisiynydd Gwybodaeth ar ddata troseddau.

Ni fydd Penderfyniadau Cynllunio ac Amgylchedd Cymru yn gofyn am ddata categori arbennig fel mater o drefn yn rhan o’n gweithgareddau prosesu. Fodd bynnag, fe allai gael ei ddarparu yn rhan o’r broses. Pan fyddwch yn cyflwyno data categori arbennig, gwnewch yn siŵr ei fod yn angenrheidiol ac yn berthnasol i’r achos.
Ar gyfer rhai achosion, efallai y bydd angen i ni gasglu rhywfaint o ddata categori arbennig i’r graddau bod hyn yn berthnasol i’r achos. Gallai hyn, er enghraifft, gynnwys neu ymwneud â gwybodaeth am statws (cefndir teuluol, perthnasoedd a dibynyddion), busnes a bywoliaeth, yn ogystal â llety, iechyd a/neu anghenion addysgol.
Gall y wybodaeth a roddir yn wirfoddol gynnwys gwybodaeth bersonol am unigolion eraill yn uniongyrchol neu’n anuniongyrchol, ac fe all gynnwys data categori arbennig e.e. gwybodaeth feddygol am bartïon eraill. Bydd Penderfyniadau Cynllunio ac Amgylchedd Cymru yn prosesu data o’r fath dim ond pan ellir ei gyfiawnhau a phan fydd ganddi sail gyfreithiol briodol i wneud hynny. Gwnewch yn siŵr ei bod yn angenrheidiol ac yn berthnasol i’r achos pan fyddwch yn ei rhoi i Benderfyniadau Cynllunio ac Amgylchedd Cymru.

Efallai y byddwn yn prosesu ac yn storio categorïau arbennig o wybodaeth bersonol fwy sensitif sy’n ymwneud ag unrhyw unigolyn a roddir yn wirfoddol gennych chi yn rhan o’r holl broses gwaith achos cynllunio rydych eisiau iddi gael ei hystyried e.e. gwybodaeth feddygol yn ymwneud â chi eich hun, aelod o’r teulu ac, mewn rhai achosion, plentyn. Gallai’r wybodaeth bersonol a roddir gael e ei dal ar system gyfrifiadurol, neu ar gofnod papur fel mewn ffeil ffisegol.

6. Beth yw canlyniadau peidio â darparu gwybodaeth?

Os na fyddwch yn rhoi’r wybodaeth sy’n ofynnol i ni i ddilysu eich achos, mae’n bosibl na fyddwn yn gallu ei ystyried. Byddwn fel arfer yn rhoi gwybod i chi os bydd hyn yn wir.
Nid oes rhwymedigaeth statudol ar bartïon â buddiant i gymryd rhan mewn achos.
Os ydych yn apelydd/asiant nad yw’n rhoi’r wybodaeth statudol sy’n angenrheidiol i ddilysu eich achos o fewn y cyfnodau amser penodedig, ni fyddwn yn gallu ystyried eich achos ac fe allai gael ei ystyried yn annilys.
Os ydych yn ymgeisydd nad yw’n rhoi’r wybodaeth statudol sy’n angenrheidiol i ystyried eich cais, efallai na fyddwn yn gallu derbyn eich cais i’w Archwilio o dan adran 55 Deddf Cynllunio 2008.
O ran Cynlluniau Lleol, mae’n ofynnol i’r Arolygydd archwilio p’un a yw’r cynllun yn gadarn ac yn cydymffurfio’n gyfreithiol ac, wrth wneud hynny, mae’n rhaid iddo ystyried unrhyw sylwadau a dogfennau eraill a gyflwynwyd gan yr ALl.
Dylai’r rhai hynny sy’n cymryd rhan mewn archwiliad o gynllun lleol nodi y bydd yr ALl yn sicrhau bod eu sylwadau ‘ar gael’ yn unol â’r Rheoliadau, gan gynnwys eu cyhoeddi ar wefan yr ALl. Fel Rheolwr Data, caiff yr ALl olygu rhywfaint neu’r cyfan o’r wybodaeth bersonol a gynhwysir mewn sylwadau a dogfennau eraill y sicrheir eu bod ‘ar gael’, neu beidio. Er mwyn sicrhau archwiliad agored a theg, mae’n bwysig bod yr Arolygydd a’r holl gyfranogwyr eraill ym mhroses yr archwiliad yn gwybod pwy sydd wedi gwneud sylwadau ynglŷn â’r cynllun a chynnwys y sylwadau hynny.
Nid oes rhwymedigaeth statudol ar barti â buddiant i gymryd rhan mewn archwiliad o gynllun lleol na darparu unrhyw wybodaeth benodol os yw’n dewis peidio â gwneud hynny.
Os ydych yn Barti â Buddiant arall ac nad ydych yn rhoi eich enw a/neu enw’r sefydliad neu’r grŵp rydych yn ei gynrychioli, efallai na fyddwn yn gallu derbyn eich sylwadau.
Nid ydym yn derbyn sylwadau dienw neu gyfrinachol ar gyfer unrhyw fath o waith achos Penderfyniadau Cynllunio ac Amgylchedd Cymru.

7. Gwybodaeth am blant

Nid yw Penderfyniadau Cynllunio ac Amgylchedd Cymru yn darparu gwasanaethau’n uniongyrchol i blant nac yn casglu eu gwybodaeth bersonol yn rhagweithiol. Fodd bynnag, weithiau rhoddir gwybodaeth i ni am blant yn wirfoddol yn rhan o’r prosesau apeliadau, ceisiadau, gorchmynion ac archwiliadau. Gall hyn gynnwys data categori arbennig a roddir mewn sylwadau o bob agwedd ar waith achos.

8. Am ba mor hir rydym ni’n cadw’ch data personol?

Byddwn yn cadw gwybodaeth bersonol am gyhyd ag sy’n angenrheidiol i ddarparu ein gwasanaethau a chyflawni ein rhwymedigaethau cyfreithiol a rheoliadol yn unig. Mae gennym bolisïau a gweithdrefnau penodol ynglŷn â rheoli a chadw cofnodion, fel bod gwybodaeth bersonol yn cael ei hadolygu a’i dileu ar ôl cyfnod rhesymol gan ddilyn y meini prawf canlynol:

Y diben neu’r gweithgarwch busnes sy’n golygu bod angen prosesu eich gwybodaeth.
P’un a oes gennym unrhyw rwymedigaeth gyfreithiol i barhau i brosesu’ch gwybodaeth.
P’un a oes gennym unrhyw sail gyfreithiol o dan y gyfraith diogelu data i barhau i brosesu’ch gwybodaeth (e.e. Tasg Gyhoeddus).
Unrhyw arferion sector cytunedig perthnasol yn ymwneud â pha mor hir y dylid cadw gwybodaeth.
I amddiffyn yn erbyn heriau cyfreithiol a rheoliadol.

9. Gyda phwy rydym ni’n rhannu eich data?

Yn unol â’r rheolau statudol a’r canllawiau perthnasol, mae copi o sylwadau gwaith achos fel arfer yn cael ei anfon at:

Apelyddion/Ymgeiswyr
Partïon â buddiant
Awdurdodau lleol
Mae awdurdodau lleol hefyd yn gyfrifol am sicrhau bod y sylwadau gwaith achos ar gael i unrhyw un sy’n dymuno eu gweld.
Swyddogion Rhaglen allanol
Aelodau’r cyhoedd (byd-eang) pan fyddant wedi’u cyhoeddi ar ein gwefannau
Partïon statudol eraill i’r achos
Partïon statudol eraill fel rheoleiddwyr allanol.
Rydym yn rhoi eich gwybodaeth i Weinidog perthnasol Cymru sy’n gwneud y penderfyniad terfynol ar y ceisiadau a’r apeliadau a archwiliwn trwy’r canlynol:
- Yr Adran Busnes, Ynni a Strategaeth Ddiwydiannol
- Yr Adran Drafnidiaeth
- Adran yr Amgylchedd, Bwyd a Materion Gwledig
- Y Weinyddiaeth Tai, Cymunedau a Llywodraeth Leol.
Er mwyn bod yn deg i bartïon eraill sydd â buddiant mewn achos, mae angen i ni rannu’ch sylwadau fel y nodwyd uchod. Mae hefyd yn rhoi cyd-destun ac yn caniatáu ar gyfer cynnal ein prosesau gwaith achos yn effeithiol, e.e. yn caniatáu i bartïon sydd â safbwyntiau tebyg i adnabod ei gilydd a chytuno ar gyflwyno safbwyntiau ar y cyd mewn unrhyw wrandawiad neu ymchwiliad, felly mae’r sylwadau a gawn yn cael eu cyfnewid rhwng y partïon, ar yr amod bod Penderfyniadau Cynllunio ac Amgylchedd Cymru o’r farn bod hyn yn angenrheidiol ac yn gymesur, heb olygu’r cynnwys na’r wybodaeth gyswllt. Byddwn yn trin eich gwybodaeth yn gyfrinachol os byddwch yn gofyn i ni wneud hynny, ond dylech fod yn ymwybodol y gallai’r Arolygydd roi llai o bwys i’ch sylwadau oherwydd hynny.

Bydd yr Arolygydd neu’r unigolyn a benodwyd yn ystyried y wybodaeth a a roddwyd yn y sylwadau ac yn gwneud ei benderfyniad. Bydd ei hysbysiad o benderfyniad yn rhoi canlyniad yr achos a’i resymau drosto.

Fel arall, pan fydd Gweinidogion Cymru ac adrannau a sefydliadau eraill y Llywodraeth yn gyfrifol am benderfynu ar yr achos, bydd yr Arolygydd yn llunio adroddiad argymhelliad. Bydd adroddiad yr Arolygydd a’r sylwadau’n cael eu darparu iddynt.

Mewn rhai amgylchiadau, fel o dan orchymyn llys, mae gennym rwymedigaeth gyfreithiol i rannu gwybodaeth. Efallai y bydd angen i ni rannu’ch gwybodaeth bersonol â’r canlynol hefyd:

Asiantaethau ac adrannau eraill y llywodraeth a gweision sifil
Ein cynrychiolwyr cyfreithiol ni neu gynrychiolwyr cyfreithiol eraill
Archwilwyr, a
Rheoleiddwyr, neu i gydymffurfio â’r gyfraith fel arall.

Mae’n bosibl y defnyddiwn ddarparwyr gwasanaeth trydydd parti i brosesu gwybodaeth (gweler Atodiad B am restr lawn) ar ein rhan mewn perthynas â’n gwaith achos e.e. darparu gwasanaethau technoleg gwybodaeth. Pan fyddwn yn gwneud hynny, bydd contractau’n cael eu llunio i sicrhau bod eich gwybodaeth bersonol yn cael ei phrosesu yn unol â’n cyfarwyddiadau ni yn unig (oni bai ei bod yn ofynnol fel arall yn ôl y gyfraith), a bod mesurau priodol ar waith i sicrhau diogelwch gwybodaeth.

Yn ogystal, mae’n ofynnol i ni, o dan Ddeddf Cofnodion Cyhoeddus 1958 (fel y’i diwygiwyd), drosglwyddo cofnodion i’r Archifau Cenedlaethol i’w cadw’n barhaol. Gallai rhai o’r cofnodion hyn gynnwys data personol ein cwsmeriaid.

Pwy fydd yn gallu cael at eich data?

Rydym wedi ymrwymo i wneud popeth y gallwn i gadw’ch data’n ddiogel. Rydym wedi sefydlu systemau a phrosesau i atal mynediad at eich data neu ddatgelu eich data heb awdurdod e.e. rydym yn diogelu eich data gan ddefnyddio lefelau amrywiol o amgryptio, ac mae rheolaethau mynediad perthnasol ar waith i reoli a thrin eich gwybodaeth bersonol yn effeithiol.

Pan ddefnyddir darparwyr gwasanaeth trydydd parti, sefydlir contractau a/neu drwyddedau i sicrhau bod eich gwybodaeth bersonol yn cael ei phrosesu yn unol â’n cyfarwyddiadau ni yn unig (oni bai ei bod yn ofynnol fel arall yn ôl y gyfraith), a bod mesurau priodol ar waith i sicrhau diogelwch y wybodaeth honno.

Pan fyddwch yn gwneud apêl/cais neu’n cyflwyno sylwadau ar unrhyw ran o’n gwaith achos, dylech gofio bod gofynion statudol arnom, mewn rhai achosion, i sicrhau bod y wybodaeth hon ar gael yn ehangach.

Bydd hyn fel arfer yn cael ei amlinellu yn ein canllawiau, ond os oes gennych ymholiadau neu bryderon penodol ynglŷn ag achos penodol, cysylltwch â’r swyddog achos a fydd yn trafod y mater gyda PCAC.

10. A ydym ni’n defnyddio unrhyw brosesyddion data?

Ydym - rhoddir rhestr o’n prosesyddion data presennol yn Atodiad B.

11. Eich hawliau mewn perthynas â phrosesu

O dan y gyfraith diogelu data, mae gennych hawliau ynglŷn â phrosesu eich data personol. Mae’r hawliau sydd ar gael i chi yn dibynnu ar y rheswm pam rydym yn prosesu’ch gwybodaeth. Nid oes rhaid i chi dalu am arfer eich hawliau. Rhoddir mis i ni ymateb i chi.

Eich hawliau o dan y GDPR (DU) yw’r hawl:

I gael gwybod
I gael mynediad
I gywiro
I ddileu
I gyfyngu ar brosesu
I gludadwyedd data
I wrthwynebu
Hawliau yn ymwneud â gwneud penderfyniadau awtomataidd a phroffilio. (Nid yw Penderfyniadau Cynllunio ac Amgylchedd Cymru yn gwneud penderfyniadau awtomataidd nac yn proffilio).

Nid yw pob un o’r hawliau hyn yn absoliwt, sy’n golygu efallai y byddant yn berthnasol mewn rhai sefyllfaoedd yn unig ac fe allent fod yn ddarostyngedig i eithriadau ac esemptiadau cyfreithiol.

Mae rhagor o wybodaeth am eich hawliau ar gael ar wefan yr ICO.

12. Cofrestru am Gyfrif ar gyfer Porth PCAC

Mae’n rhaid i ddefnyddwyr Porth PCAC greu cyfrif gyda ni er mwyn cyflwyno apeliadau neu unrhyw sylwadau. Bydd cofrestru gyda ni yn eich galluogi i ddefnyddio ein hystod lawn o wasanaethau apeliadau, gan gynnwys tudalen hafan bersonol.

Hefyd, y ffordd orau o wneud sylwadau ar achos presennol yw cofrestru gyda ni yn gyntaf, gan fod hynny’n hwyluso’r broses o olrhain achosion a chyflwyno sylwadau.

{/*

Cyfleuster Mewngofnodi fel Gwestai ar Borth PCAC

Mae gennym gyfleuster mewngofnodi fel gwestai os ydych eisiau cyflwyno sylwadau heb greu cyfrif; chwiliwch am eich achos a chliciwch ar y botwm ‘Cyflwyno Sylwadau’.

*/}

13. Ceisiadau Rhyddid Gwybodaeth (FOI), Ceisiadau Mynediad at Ddata gan y Testun (SAR) a Rheoliadau Gwybodaeth Amgylcheddol (EIR)

Mae Penderfyniadau Cynllunio ac Amgylchedd Cymru yn gorff cyhoeddus ac mae’n ddyletswydd gyfreithiol arnom i ymateb i geisiadau a wneir o dan y deddfwriaethau hyn. Weithiau, bydd hyn yn golygu y gallai eich data personol gael ei ddefnyddio i ymateb i’r ceisiadau hyn. Os ydych yn ymgeisydd sy’n gwneud cais am wybodaeth o dan un o’r cyfundrefnau mynediad hyn, byddwn yn defnyddio’ch gwybodaeth i gydymffurfio â chais o’r fath. Bydd hyn yn cynnwys gwybodaeth er mwyn gohebu â chi ac er mwyn anfon ein hymateb. Os byddwch yn gwneud cais am eich data personol eich hun (cais mynediad at ddata gan y testun), efallai y bydd angen i ni gael tystiolaeth hefyd i gadarnhau pwy ydych.

14. Atodiad A – Mathau o Waith Achos a gynhelir gan Benderfyniadau Cynllunio ac Amgylchedd Cymru

Rhestr lawn o Apeliadau, Ceisiadau, Archwiliadau a Gorchmynion y mae’r Hysbysiad Preifatrwydd hwn yn ymdrin â nhw: pob math o Waith Achos PCAC.

Darperir/Ar Gael trwy’r Wefan a Dulliau Eraill

Math o Waith Achos

Diben Prosesu

Apeliadau Cymru trwy’r porth Gwaith Achos Apeliadau (Porth PCAC)/ E-bost/ Post/ Trydydd Partïon Allanol

Apeliadau

Hysbysiad Gorfodi Adeilad Rhestredig

Apeliadau Cymru trwy’r porth Gwaith Achos Apeliadau (Porth PCAC)/ E-bost/ Post/ Trydydd Partïon Allanol

Apeliadau

Hysbysiad gorfodi Ardal Gadwraeth

Apeliadau Cymru trwy’r porth Gwaith Achos Apeliadau (Porth PCAC)/ E-bost/ Post/ Trydydd Partïon Allanol

Apeliadau

Hysbysiad Gorfodi

Apeliadau Cymru trwy’r porth Gwaith Achos Apeliadau (Porth PCAC)/ E-bost/ Post/ Trydydd Partïon Allanol

Apeliadau

Gorfodi Tystysgrif Datblygiad Cyfreithlon

Apeliadau Cymru trwy’r porth Gwaith Achos Apeliadau (Porth PCAC)/ E-bost/ Post/ Trydydd Partïon Allanol

Apeliadau

Cynllunio – Dirwyn Hysbyseb i Ben

Apeliadau Cymru trwy’r porth Gwaith Achos Apeliadau (Porth PCAC)/ E-bost/ Post/ Trydydd Partïon Allanol

Apeliadau

Cynllunio – Apêl Hysbyseb

Apeliadau Cymru trwy’r porth Gwaith Achos Apeliadau (Porth PCAC)/ E-bost/ Post/ Trydydd Partïon Allanol

Apeliadau

Cynllunio – Gwasanaeth Apeliadau Masnachol (CAS)

Apeliadau Cymru trwy’r porth Gwaith Achos Apeliadau (Porth PCAC)/ E-bost/ Post/ Trydydd Partïon Allanol

Apeliadau

Cynllunio – Gwasanaeth Apeliadau gan Ddeiliaid Tai (HAS)

Apeliadau Cymru trwy’r porth Gwaith Achos Apeliadau (Porth PCAC)/ E-bost/ Post/ Trydydd Partïon Allanol

Apeliadau

Cymeradwyaeth o Flaen Llaw

Apeliadau Cymru trwy’r porth Gwaith Achos Apeliadau (Porth PCAC)/ E-bost/ Post/ Trydydd Partïon Allanol

Apeliadau

Cynllunio – Cytundeb Adran 106

Apeliadau Cymru trwy’r porth Gwaith Achos Apeliadau (Porth PCAC)/ E-bost/ Post/ Trydydd Partïon Allanol

Apeliadau

Planning Listed Building Consent & Conservation Area Consent Appeal

Apeliadau Cymru trwy’r porth Gwaith Achos Apeliadau (Porth PCAC)/ E-bost/ Post/ Trydydd Partïon Allanol

Apeliadau

Apeliadau Barnu’n Annilys

Apeliadau Cymru trwy’r porth Gwaith Achos Apeliadau (Porth PCAC)/ E-bost/ Post/ Trydydd Partïon Allanol

Ceisiadau yn ystod proses brosesu PCAC

Penderfyniadau ar Gostau

Apeliadau Cymru trwy’r porth Gwaith Achos Apeliadau (Porth PCAC)/ E-bost/ Post/ Trydydd Partïon Allanol

Apeliadau

Apêl Gynllunio

Gwefan Datblygiadau o Arwyddocâd Cenedlaethol (DNS) ar gyfer Mathau o Achosion DNS neu E-bost/ Post/ Trydydd Partïon Allanol

Ceisiadau

Ceisiadau Datblygiad o Arwyddocâd Cenedlaethol

E-bost/ Post/ Trydydd Partïon Allanol

Apeliadau

Hysbysiadau Prynu Arbenigol

E-bost/ Post/ Trydydd Partïon Allanol

Apeliadau

Apeliadau System Ddraenio Gynaliadwy (SUDS)

E-bost/ Post/ Trydydd Partïon Allanol

Apeliadau

Apeliadau Ardoll Seilwaith Cymunedol (CIL)

E-bost/ Post/ Trydydd Partïon Allanol

Apeliadau

Gwrychoedd Uchel Arbenigol

E-bost/ Post/ Trydydd Partïon Allanol

Apeliadau

Gorchymyn Diogelu Coed Arbenigol

E-bost/ Post/ Trydydd Partïon Allanol

Apeliadau

Hysbysiadau Amnewid Coed Arbenigol

E-bost/ Post/ Trydydd Partïon Allanol

Apeliadau

Rheoliadau Trwyddedu Amgylcheddol

E-bost/ Post/ Trydydd Partïon Allanol

Apeliadau

Apeliadau SoDdGA

E-bost/ Post/ Trydydd Partïon Allanol

Apeliadau

Tir Halogedig

E-bost/ Post/ Trydydd Partïon Allanol

Apeliadau

Trwyddedu Morol

E-bost/ Post/ Trydydd Partïon Allanol

Apeliadau

Rheoli Gwastraff

E-bost/ Post/ Trydydd Partïon Allanol

Apeliadau

Tynnu Dŵr

E-bost/ Post/ Trydydd Partïon Allanol

Apeliadau

Apeliadau Sylweddau Peryglus

E-bost/ Post/ Trydydd Partïon Allanol

Apeliadau

Apeliadau Hysbysiad

E-bost/ Post/ Trydydd Partïon Allanol

Apeliadau

Gwrychoedd Arbenigol

E-bost/ Post/ Trydydd Partïon Allanol

Apeliadau

Apeliadau Cyfyngiad

E-bost/ Post/ Trydydd Partïon Allanol

Arbenigol

Hawliau Tramwy - Atodlen 14

E-bost/ Post/ Trydydd Partïon Allanol

Ceisiadau

Tir Comin Arbenigol o dan y deddfwriaethau isod:
Deddf Tiroedd Comin 2006: Adran 16
Deddf Tiroedd Comin 2006: Adran 38
Deddf Tiroedd Comin 2006: Rhan 1
Deddf Caffael Tir 1981: Adran 19 ac Atodlen 1
Deddf yr Ymddiriedolaeth Genedlaethol 1971: Adran 23
Adran 15 Mesur Plwyfi Newydd 1943
Adran 193 Deddf Cyfraith Eiddo 1925
Cynlluniau rheoli o dan Ddeddf Tiroedd Comin 1899
Adran 9 Deddf Cefn Gwlad 1968
Adran 9 Deddf Cefn Gwlad 1968
Deddfau Cau Tir
Amryw Ddeddfau lleol a Deddfau Cadarnhau Gorchymyn Dros Dro (sy’n cynnwys gosod ardrethi stint)

E-bost/ Post/ Trydydd Partïon Allanol

Ceisiadau

Hawliau Tramwy Arbenigol – Cyfeiriadau Atodlen 14

E-bost/ Post/ Trydydd Partïon Allanol

Ceisiadau

Meysydd Pentref Arbenigol

E-bost/ Post/ Trydydd Partïon Allanol

Ceisiadau

Ceisiadau A 36 (Deddf Trydan 1989)

E-bost/ Post/ Trydydd Partïon Allanol

Ceisiadau – Argymhellion

Trwyddedau Sychder

E-bost/ Post/ Trydydd Partïon Allanol

Ceisiadau

Fforddfreintiau Angenrheidiol Arbenigol a Thocio Coed

E-bost/ Post/ Trydydd Partïon Allanol

Ceisiadau

Tynnu Dŵr

E-bost/ Post/ Trydydd Partïon Allanol

Archwiliadau

Cynlluniau Rheoli Adnodd Dŵr

E-bost/ Post/ Trydydd Partïon Allanol

Archwiliadau

Cynlluniau Datblygu Lleol

E-bost/ Post/ Trydydd Partïon Allanol

Archwiliadau

Ardoll Seilwaith Cymunedol (CIL)

E-bost/ Post/ Trydydd Partïon Allanol

Gorchmynion

Gorchmynion Diwygio Harbwr Orders

E-bost/ Post/ Trydydd Partïon Allanol

Gorchmynion

Gorchmynion Sychder

E-bost/ Post/ Trydydd Partïon Allanol

Gorchmynion

Gorchmynion y Ddeddf Trafnidiaeth a Gweithfeydd

E-bost/ Post/ Trydydd Partïon Allanol

Gorchmynion

Gorchmynion y Ddeddf Priffyrdd

E-bost/ Post/ Trydydd Partïon Allanol

Gorchmynion

Gorchmynion Rheoleiddio Traffig Awdurdod Lleol (ALl)

E-bost/ Post/ Trydydd Partïon Allanol

Gorchmynion

Gorchmynion Tollau Fferïau a Phontydd

E-bost/ Post/ Trydydd Partïon Allanol

Gorchmynion

Gorchmynion Llwybrau Beiciau

E-bost/ Post/ Trydydd Partïon Allanol

Gorchmynion

Gorchmynion Cau

E-bost/ Post/ Trydydd Partïon Allanol

Gorchmynion

Gorchymyn Prynu Gorfodol (CPO) yr Adran Drafnidiaeth (LlC)

E-bost/ Post/ Trydydd Partïon Allanol

Gorchmynion

Gorchmynion Ffyrdd Ymyl

E-bost/ Post/ Trydydd Partïon Allanol

Gorchmynion

Gorchymyn Prynu Gorfodol (CPO) Adran yr Amgylchedd, Bwyd a Materion Gwledig (DEFRA)

E-bost/ Post/ Trydydd Partïon Allanol

Gorchmynion

Gorchymyn Prynu Gorfodol (CPO) Adran yr Amgylchedd, Bwyd a Materion Gwledig (DEFRA)

E-bost/ Post/ Trydydd Partïon Allanol

Gorchmynion

Adolygiad o Hen Ganiatadau Mwynau (ROMPs) a Mwynau Ad-hoc

E-bost/ Post/ Trydydd Partïon Allanol

Gorchmynion

Hysbysebion – Achosion Gweinidogion Cymru

E-bost/ Post/ Trydydd Partïon Allanol

Gorchmynion

Addasu a Dirymu Caniatâd Cynllunio

E-bost/ Post/ Trydydd Partïon Allanol

Gorchmynion

Gorchmynion Prynu Gorfodol (CPO) yr Adran Busnes, Ynni a Strategaeth Ddiwydiannol (BEIS)

E-bost/ Post/ Trydydd Partïon Allanol

Gorchmynion

Gorchmynion Prynu Gorfodol (CPO) y Weinyddiaeth Tai, Cymunedau a Llywodraeth Leol (MHCLG)

E-bost/ Post/ Trydydd Partïon Allanol

Gorchmynion

Gorchmynion Hawliau Tramwy o dan y Deddfwriaethau isod:
Deddf Bywyd Gwyllt a Chefn Gwlad 1981
Deddf Priffyrdd 1980
Deddf Cynllunio Gwlad a Thref 1990
Deddf Caffael Tir 1981

E-bost/ Post/ Trydydd Partïon Allanol

Amrywiol – Archwiliadau, Gorchmynion a Cheisiadau

Ceisiadau Ad-hoc gan Lywodraeth Cymru (LlC)

E-bost/ Post/ Trydydd Partïon Allanol

Amrywiol – Archwiliadau, Gorchmynion a Cheisiadau

Yr Adran Drafnidiaeth (DfT) Meysydd Awyr

15. Atodiad B – Rhestr o Brosesyddion Data

Rhestr o Brosesyddion Data

Prosesydd Data

Diben

GoPro

Platfform ar gyfer Prosesu Apeliadau Cynllunio

UK.Gov Notify

Cyfathrebu â Phartïon Allanol

Google Analytics

Monitro Gweithgarwch ar y We

); }